舊鑰匙

• 演唱：吳美琳+郭忠祐

詞：鄧建欣 曲：嚴之 編曲：丁天牧
女：彼間厝
猶閣佇咧
毋知偌久毋捌經過
男：仝款的門牌號碼
這馬無你蹛佇內底
合：身邊陪伴的人 已經換了幾个
女：橐袋仔猶原
貯著彼捾鎖匙
時間慢慢仔磨甲變形
男：你的心門內 敢閣有我的所在
合：咱失去的過去 敢有法度重來
女：舊鎖匙對著愛情的門
早就拍袂開
男：門後的幸福世界
敢講已經失去
女：應該來看破
咱攏毋通閣繼續追
合：美滿愛情的背後
藏著偌濟是非
男：舊鎖匙對著愛情的門
怎樣拍袂開
女：門前的愛情模樣
是缺了一角的圓
男：感情的缺角
就好親像這支舊鎖匙
合：就算閣磨 嘛合袂轉去
女：舊鎖匙對著愛情的門
早就拍袂開
男：咱倆人的愛情只賰一句
合：我 對不起你
女：敢講鎖匙已經紡見
男：咱嘛揣無門通轉去
女：舊鎖匙
合：就予伊過去