尪親某親老婆爬車輪

少年狂娶某無某真辛苦
秤秤彩彩娶一個某
人講一個某
卡好三個天公祖
啊呀愛某美
甲某捧面桶水
愛某白甲某洗腳腿
人講驚某大丈夫
打某是豬狗牛
聽某嘴是大富貴
看某美無酒嗎天天醉
愛某驚某苦
三頓雞鴨加某補
不驚老母勞
放老母塊做老婆
啊呀尪親某親
老婆仔爬車輪
人講飼某無論飯
飼父母著算頓
好魚好肉是捧去放
菜烳根仔是罔過頓
飼某飼甲肥卒卒
飼父母飼甲一支骨
不通小漢父母生
大漢變某生
不通小漢母仔子
大漢變成某的子
我勸罔擋少年家
至親父母是咱的
尪親某親是
父母應該擱卡親
不通放老公婆仔
塊爬車輪