媽媽您好嗎

• 演唱：文夏

作詞：愁人

離開著故鄉了後 不是不返去
若想著現在環境 那有臉返去
有一日若是踏著 較好的地位
一定會衣錦榮歸 您的身軀邊
靜靜著思念故鄉 少年的時陣
無意中又擱流落 流離的目屎
懷念的故鄉山河 廟前的古松
溪邊的我的家庭 何時再相會
希望會平安過日 親愛的阿母
妹妹妳嫁去還沒 我也真掛意
大聲來叫著故鄉 怎樣也袂應
故鄉是遠遠千里 山頂的彼邊
黑暗的都市生活 淡淡又無味
孤單在他鄉過日 已經有三年
思念的爸爸媽媽 可愛的兄弟
有時陣嘛著寫批 寄來安慰我