A Simple Day

• 演唱：廖博儀

詞曲:廖博儀YiYi

演唱：儀儀/rap:沈懿
編曲：廖博儀、趙伯乾

隔壁巷仔口的阿美姐
是阮阿兄的國小同學
逐工梳妝打扮真美麗
出入攏有司機通好陪
真愛買東買西兼出價
厝內底的物件擺袂落
為著揣一雙紅色懸踏鞋
煞摔落去眠床底
變成逐家食飯啉烏龍茶
順紲參咧來講笑詼
A Simple Day 日子較好過
簡單來生活 毋通啥米攏欲
逐改攏講後一回袂閣烏白買
但是阮逐家攏聽甲已經起歹勢
阿美姐的小弟足超過
女朋友一擺交幾若个
感情生活予伊玲瑯踅
差一點仔就予人放火
複雜感情予伊真狼狽
但是伊猶原毋知後悔
愛情生活若無較單純的
水潑落地歹收回
到老一定賰伊家己崁棉被
孤單一个
A Simple Day 免驚無人欲
欺騙人感情 就愛付出代價
一擺交一个敢講遮䆀撨好勢
單純的交往兩个人的心才會同齊
Rap:
坐大船 看海湧 坐車鬥陣看風景
坐飛機 看雲頂 自由自在真歡喜
死馬當做活馬醫
代誌毋免遮呢堅持
裝痟激戇好過日 簡單生活上知己
食粥配豆乳 食飯配蕃薯
感情愛單純 莫去做人的細姨
愛共簡單生活變麻吉
阮的生活一直是Simple Day
三頓正常嘛袂食超過
無聊時陣網路共人詼
彈彈吉他運動練身體
欠錢就來寫歌予人買
趁錢是為著 環遊世界
感謝朋友時常予我鼓勵
阮福氣有夠濟
一生簡單平凡精精彩彩過
值得阮慢慢體會