為妳我嘸驚

• 專輯：千行淚
• 發行：2022-07-26
• 演唱：沈建豪

作詞：羅森
作曲：羅森

18832/《為你我毋驚》Uī Lí Guá M̄-kiann
沈建豪Sím Kiàn-hô
雲霧總是
hûn-bū tsóng-sī
靜靜飄向山嶺
tsīng-tsīng phiau hiòng suann-niá
天星也永遠
thinn-tshinn iā íng-uán
佮月娘相依倚倚
kah gue̍h-niû sio-í-uá
上天的造化
siōng-thian ê tsō-huà
予你我來做伴
hōo lí guá lâi tsuè-phuānn
將深情
tsiong tshim-tsîng
黏著兩人的心肝
liâm tio̍h nn̄g-lâng ê sim-kuann
可比迷航的船隻
khó-pí bê-hâng ê tsûn-tsiah
揣著避風的靠岸
tshuē-tio̍h pī-hong ê khò-huānn
就算冰天雪地
tiō-sǹg ping-thian suat-tē
也袂畏寒
iā buē uì-kuânn
為你我毋驚
uī lí guá m̄-kiann
毋驚坎坷路歹行
m̄-kiann khám-khia̍t lōo pháinn-kiânn
管伊日頭炎熱
kuán i ji̍t-thâu iām-jua̍h
風雨有偌大
hong-hōo ū guā tuā
處境好䆀無怨命
tshú-kíng hó-bái bô uàn miā
啥物苦攏甘願食
siánn-mih khóo lóng kam-guān tsia̍h
霜雪落過後
sng-seh lo̍h kuè-āu
日頭總會閣浮上山
ji̍t-thâu tsóng ē koh phû tsiūnn-suann
過去的無奈苦楚
kuè-khì ê bô-nāi khóo-tshóo
將伊當做夢一攤
tsiong i tòng-tsuè bāng tsi̍t-thuann
為著你
uī-tio̍h lí
我堅強奮鬥
guá kian-kiông hùn-tàu
認真繼續拚
jīn-tsin kè-sio̍k piànn