青春的馬車

• 演唱：文夏

載着甘蜜好情義 跑過山嶺路
沿路雙人唱情歌 向着好前途
你有我惦在 身邊來做伴
當然是袂來 感覺心寂寞
你看覓前面天邊 美麗浮紅雲
呼啦 呼啦 呼啦 呼啦 配合咱的心
親像祝賀咱這台 青春的馬車
對着田園飛過來 一對白鷺鷥
飛到你我馬車邊 頭殼擱傾傾
一定是看咱 雙人惦車內
互相來談起 情話甘蜜甜
你看覓風來搖動 彼欉玫瑰花
呼啦 呼啦 呼啦 呼啦 溫暖咱的心
親像送着咱這台 青春的馬車
爬着山路到湖邊 將近日頭落
東邊月娘點胭脂 浮出小山坡
笑微微接咱 這對好伴侶
歡喜着你我 青春有偎靠
你看覓前面天邊 美麗浮紅雲
呼啦 呼啦 呼啦 呼啦 安慰咱的心
親像歡迎咱這台 青春的馬車