日落西山

• 專輯：尤雅台語精選, Vol. 1
• 發行：2003-06-11
• 演唱：尤雅

日落西山近黃昏，
心狂袂食急待君，
想要趕緊來接吻，
也好增加咱情份。
如意郎君啊！
最好正式來訂婚，
好事免驚袂招勻，
又是天長配地久，
也袂辜負阮青春。
日落西山黃昏起，
是阮好事相會時，
娘有多情哥有義，
祈願同心永同居。
如意郎君啊！
夜夜談情真歡喜，
情重如山話投機，
黃金雖然是寶物，
也袂贏咱糖蜜甜。
日落西山黃昏後，
怎樣未到阮娘兜，
恰久也著愛等候，
不敢誤君空回頭。
如意郎君啊！
所約著愛準時到，
免阮肝火動心頭，
一日經過一日老，
青春不通放水流。