假使你知影

• 演唱：曾瑋中

詞曲：阿俠 編曲：三秒

日頭已經落山 一工閣一工
毋知歇睏的人 猶咧奔波為著啥
倚佇窗邊
閣問一聲
毋知月娘你敢知影
敢會當知影
離岸的船隻
何時才會回航
冷風迷茫燈影 一夜閣一夜
忍受孤單的人 猶咧走揣我的夢
倚佇窗邊
閣問一聲
向望風會當鬥相共
將我的心情
我的牽掛
講予我愛的人聽
一步一步 刻佇心肝 為著一个夢
一滴一滴 藏佇深夜 目屎毋敢掖
一字一字 鹹酸苦澀 結局會按怎
有偌爾向望（有偌濟痛疼）
為著彼工
假使你知影
一步一步 軁過痛疼 目屎摻著汗
一滴一滴 滲入希望 毋是咧做夢
一字一字 離合悲歡 結局是按怎
我的劇本 閣斟酌咧寫
寫著我的故事 一段閣一段
毋管未來會按怎 我會繼續向前行
倚佇窗邊
輕輕問一聲
希望天頂的你知影
離岫的鳥仔 有認真拍拚 欲予𪜶會記持 你予我的名