離別月台票

• 演唱：洪弟七

作曲：袴田宗孝

為著要甲伊相見 走甲面青青
前後氣喘弄袂離 滿身流汗點點滴
無情夜車做伊來開出去
害阮看無伊
大聲叫伊名字 傷心淚滴
月台票替阮悲
啊～再會啦再會啦
袂得再相見
料想伊會來受氣 講阮無情義
一定會怨恨阮是 假情假意對待伊
想要等到離別時再見面
表明阮心意
到如今袂得見 已經失時
火車螺聲哀悲
啊～再會啦再會啦
袂得再相見
夜快車已經開去 消失黑暗暝
車後燈微微閃熾 照阮目睭紅吱吱
請你原諒阮不是不表明
阮的真情意
月台邊頭犁犁 像染重病
心愛的已經去
啊～再會啦再會啦
袂得再相見