離開是愛的開始

• 專輯：異想世界
• 發行：2023-12-25
• 演唱：翁鈺鈞

23100/《離開是愛的開始》Lī-khui Sī Ài ê Khai-sí
翁鈺鈞Ang Gio̍k-kun
誠心的期待
sîng-sim ê kî-thāi
美滿的世界
bí-buán ê sè-kài
歡喜在心內
huann-hí tsāi sim-lāi
愛陪伴著將來
ài puê-phuānn tio̍h tsiong-lâi
哪會無安排
ná ē bô an-pâi
遺憾綴咧來
uî-hām tuè leh lâi
無奈的風吹
bô-nāi ê hong-tshue
飄向天涯
phiau hiòng thian-gâi
啊~一陣風吹過去
ah~ tsi̍t-tsūn hong tshue--kuè-khì
我的夢拍清醒
guá ê bāng phah tshing-tshínn
幸福到遮為止
hīng-hok kàu tsia uî-tsí
一點一滴的情意
tsi̍t-tiám-tsi̍t-tih ê tsîng-ì
按怎來放予袂記
án-tsuánn lâi pàng hōo buē-kì
啊~霜冷風吹過來
ah~ sng-líng hong tshue--kuè-lâi
這世緣按怎還
tsit-sè iân án-tsuánn hâinn
未開始就來離開
buē khai-sí tiō lâi lī-khui
我猶未
guá iáu-buē
做好心內的準備
tsuè-hó sim-lāi ê tsún-pī
---
啊~一生中偌濟愛
ah~ it-sing tiong guā-tsuē ài
敢會當閣重來
kám ē-tàng koh tîng-lâi
過程有偌精彩
kuè-tîng ū guā tsing-tshái
人情世事好佮䆀
jîn-tsîng-sè-sū hó kah bái
冷暖是家己會知
líng-luán sī ka-kī ē tsai
啊~性命中拄著你
ah~ sìnn-miā tiong tú-tio̍h lí
這世人的記持
tsit-sì-lâng ê kì-tî
佇春天花開的時
tī tshun-thinn hue khui ê sî
將阮的心內
tsiong gún ê sim-lāi
牽佇未來的日子
khan tī bī-lâi ê ji̍t-tsí
將阮的心內
tsiong gún ê sim-lāi
牽佇未來的日子
khan tī bī-lâi ê ji̍t-tsí