愛情的春天

• 演唱：劉福助+林英美

人人人人青春期
lâng-lâng lâng-lâng tshing-tshun kî
親像花蕊好芳味
tshin-tshiūnn hue-luí hó phang-bī
好花若一旦當開時
hó-hue nā it-tàn tng khui sî
真美麗蝴蝶飛四邊
tsin bí-lē ôo-tia̍p pe sì-pinn
人阮也是可比花蕊
lâng gún iā-sī khó-pí hue-luí
才會佮著蝴蝶來相見
tsiah ē kah tio̍h ôo-tia̍p lâi sio-kìnn
你有愛阮
lí ū ài gún
阮也愛你
gún iā ài lí
人人若有愛
lâng-lâng nā ū ài
才有趣味
tsiah ū tshù-bī
啊~青春青春的男兒
ah~ tshing-tshun tshing-tshun ê lâm-jî
對愛情毋通失去意義
tuì ài-tsîng m̄-thang sit-khì ì-gī
你我愛好好相親相依
lí guá ài hó-hó siong-tshin siong-i
希望著春風吹花枝
hi-bāng tio̍h tshun-hong tshue hue-ki
雙人雙人青春期
siang-lâng siang-lâng tshing-tshun kî
心心相愛好情義
sim-sim siong-ài hó tsîng-gī
每日若見面笑微微
muí-ji̍t nā kìnn-bīn tshiò bî-bî
實在是予阮心歡喜
si̍t-tsāi sī hōo gún sim huann-hí
你我逐家快樂無比
lí guá ta̍k-ke khuài-lo̍k bû-pí
糖甘蜜甜幸福的情侶
thn̂g-kam-bi̍t-tinn hīng-hok ê tsîng-lī
人生青春只有這時
jîn-sing tshing-tshun tsí-ū tsit-sî
毋通來失去了寶貴春天
m̄-thang lâi sit-khì liáu pó-kuì tshun-thinn
啊~春天春天
ah~ tshun-thinn tshun-thinn
我愛你
guá ài lí
永遠會伴阮
íng-uán ē phuānn gún
毋通分離
m̄-thang hun-lî
趁這時
thàn tsit-sî
雙人快樂日子
siang-lâng khuài-lo̍k ji̍t-tsí
為愛情歡喜唱歌詩
uī ài-tsîng huann-hí tshiùnn-kua si