太太交代的話

• 演唱：黃三元

有一日手提皮箱
想欲出門的時陣
心愛的我的太太
行來我的身軀邊
對阮交代話
交代話
叫我出去著愛細膩
無論啥代誌
在外面毋通啉酒
毋通來風流
著愛寫批安慰著
厝內的太太
心愛的我的太太
想欲對阮表心意
看起來真正歹勢
來到我的身軀邊
對阮交代話
交代話
叫我出外著愛注意
愛情的代誌
若是有美麗小姐
對你來求愛
著愛毋通放袂記
厝內的太太
心愛的我的太太
送阮送到大門邊
輕聲來對阮講起
含著悲傷的目屎
對阮交代話
交代話
叫我出外著愛拍拚
事業的代誌
毋通來為著查某
一切放袂記
著愛趕緊回故鄉
一家來團圓