圓缺

• 專輯：圓缺 (Moon Phases)
• 發行：2025-05-01
• 演唱：鄭宜農 Enno Cheng

遮有一塊桌仔
幾隻椅仔
兩塊飯碗
Chia ū chi̍t tè toh-á, kúi chiah í-á, nng tè pn̄g-óaⁿ
有時陣一塊桌仔
幾个朋友
開講規暗
Ū-sî-chūn chi̍t tè toh-á, kúi ê pêng-iú, khai-káng kui àm
也捌醉生夢死 愛人相欠 欠袂煞
Iā bat chùi-seng-bāng-sí ài-jîn sio-khiàm khiàm bōe soah
這馬面前的你 講咱未來的生活
hit-má bīn-chêng ê lí kóng lán bī-lâi ê seng-oa̍h
有一工
Ū chi̍t kang
雪落佇咱的頭鬃
Seh lo̍h tī lán ê thâu-chang
時間一直咧行 咱嘛一直咧行
Sî-kan it-ti̍t leh kiâⁿ, lán mā it-ti̍t leh kiâⁿ
只是跤步愈來愈重
Chí-sī kha-pō͘ lú-lâi-lú-tāng
彼時沓沓仔坐落 佇你的邊仔
Hit-sî ta̍uh-ta̍uh-á chē--lo̍h, tī lí ê piⁿ-á
心內偷偷仔歡喜
猶原叫會出你的名
Sim-lāi thau-thau-á hoaⁿ-hí, iû-goân kiò ē chhut lí ê miâ
人有悲歡離合
Jîn iú pi-hoan-lî-ha̍p
月有陰晴圓缺
Goa̍t iú im-chêng oân-khoat
此事古難全
Chhú sū kó͘ lân choân
但願人長久
Tàn-goān jîn tiông-kiú
千里共嬋娟
Chhian-lí kiōng siân-koan
年紀這个物件
Nî-kí chit-ê mi̍h-kiāⁿ
開始變做開講的主題的時陣
Khai-sí piàn-chó khai-káng ê chú-tê ê sî-chūn
我真歡喜
Góa chin hoaⁿ-hí
這馬 佮你鬥陣坐佇遮
Chit-má kap lí tàu-tīn chē tī chia
遮有一塊桌仔 幾隻椅
Chia ū chi̍t tè toh-á, kúi chiah í-á
有時陣 幾个朋友 無注意就講甲半暝 Ū-sî-chūn kúi ê pêng-iú bô-chù-ì tiō káng kah pòaⁿ-mî
未來猶閣足長--ê 我知影 Bī-lâi iáu-koh chiok tn̂g--ê, góa chai-iáⁿ
我只是想欲提早開始 Góa chí-sī siūⁿ-beh thê-chá khai-sí
加開一寡時間 去感受每一工 Ke khai chi̍t-kóa sî-kan khì kám-siū múi chi̍t kang
變 佮無變的代誌 Piàn kap bô-piàn ê tāi-chì
人有悲歡離合 Jîn iú pi-hoan-lî-ha̍p
月有陰晴圓缺 Goa̍t iú im-chêng oân-khoat
此事古難全 Chhú sū kó͘ lân choân
但願人長久 Tàn-goān jîn tiông-kiú
千里共嬋娟 Chhian-lí kiōng siân-koann