老人阿哥哥

• 演唱：李炳輝

作詞：葉俊麟
作曲：日本曲

三叔公啊九嬸婆 真正老風騷 別項舞步無愛學 愛跳阿哥哥
音樂節奏沒清楚 腳步踏袂合 二個跳甲花閣閣 抱著玲瓏轉
三叔公啊七十多 頭髮鬍鬚白 九嬸婆啊腳骨小 今年七十歲
三步進前兩步退 越跳越好勢 雖然老骨硬空空 袂輸少年家
三叔公啊真大派 舉著拐仔頭 九嬸婆啊穿旗袍 胸崁格落落
跳舞恢復好青春 感情格很厚 透早跳甲日黃昏 煞茖半眠後
三叔公啊目瞅花 目鏡掛條條 九嬸婆啊點胭脂 面皮格皺皺
二個跳甲燒滾滾 快樂又消遙 目鏡茖下煞找無 沒法閣再跳