文香流浪記

• 演唱：文香

阮離開故鄉 已經過了三年
每日思念阿母 目屎流袂離
流浪的小女兒 到處無偎靠
惦在街頭惦在巷尾 為人來唸歌
有時唸歌想着您 心愛的阿母
啊.....何時才會和您來相會
冬天的三更 四邊都無人影
冷風陣陣吹入 阮的薄衣內
流浪的小女兒 無厝倘返去
行到公園行到車站 四過來徘迴
看着月娘懷念您 慈愛的阿母
啊.....何時才會和您會相會
自小漢離開 可愛阮的鄉里
春風秋雨度過 已經有三年
流浪的小女兒 要對叨位去
希望早日和您相會 夜夜夢起您
怨嘆咱的歹運命 可憐的阿母
啊.....何時才會和您會相會