竹

作詞：劉玉梅
作曲：曾仲瑋
編曲：丁天牧

講著竹仔會想著哪位 係新竹還係竹東 講著竹仔會想著麼个 係筍乾還係籮䈪
講著竹仔會想著哪位 係南投還係竹山 講著竹仔會想著麼个 係筷仔還係粽仔
記得細時節下課書包一下放
斯去河壩脣个竹垺下取竹仔做嗶哱笐
斯去山林肚个竹林下尋嫩筍
捉筍蛄
無斯去紙寮窩肚看人用竹仔做紙
還記得叔公用竹仔做椅轎 做搖籃 還記得叔婆破竹篾做笠嫲 做毛籣
節節高个竹仔 原來恁有韌性 竹仔長年節節高 亻恩俚愛像佢共樣步步往前行
節節高个竹仔
係毋係教亻恩俚愛像佢
竹仔用處越來越多
亻恩俚乜愛像佢
做一個有用个人
講著竹仔會想著哪位 係新竹還係竹東 講著竹仔會想著麼个 係筷仔還係粽仔
無斯去紙寮窩肚看人用竹仔做紙
還記得叔婆破竹篾做篩仔 做竹簾 還記得叔公用竹仔做擔竿 做畚箕
時代在進步 下課無人再搞嗶哱笐
山肚敢還有筍蛄好尋
紙寮窩肚也斯伸
古物擺看靚
講到竹子會想到哪裡 是新竹還是竹東 講到竹子會想到什麼 是筍乾還是籮格
講到竹子會想到哪裡 是南投還是竹山 講到竹子會想到什麼 是筷子還是粽子
記得小時候下課書包一放下
就去河壩旁的竹鋪下取竹子做竹筒槍
就去山林裡的竹林下找嫩筍
捉筍蛄
不然就去紙寮窩看人用竹子做紙
還記得叔公用竹子做椅轎 做搖籃 還記得叔婆剖竹篾做笠帽 做毛籃
節節高的竹子 原來這麼有韌性 竹子長年節節高 我們也要像它一樣步步向前進
節節高的竹子 是不是教我們要像它 竹子用處越來越多 我們也要像它 做一個有用的人
講到竹子會想到哪裡 是新竹還是竹東 講到竹子會想到什麼 是筷子還是粽子
不然就去紙寮窩裡看人用竹子做紙
還記得叔婆剖竹篾做篩子 做竹簾 還記得叔公用竹子做擔竿 做畚箕
時代在進步 下課沒人再玩竹筒槍
山裡是否還找得到筍蛄
紙寮窩裡也只剩
古物擺來看而已了